என்னைப் போல் நீ !!!

நீ நிற்க நானும் நிற்கிறேன் !
நீ நடக்க நானும் நடக்கிறேன்!
வடிவொத்திருக்கிறேன்!
வாய் பேசுவதில்லை!
என்ன விந்தை !
என்னைப் போல் நீ!
உன்னோடு உரசி நின்று,
வேடிக்கை பார்க்கிறேன் !
நீள்கிறேன்! நகர்கிறேன்!
என்ன தான் என் வாழ்க்கை ?
தினம் நீள்வட்டமாய் என்னைச் சுற்றும் ,
ஏராளம் வினாக்கள்!
குப்பை தொட்டியில் வீழும்
வெள்ளைக் காகிதமாய்...
குளத்தில் எறியும் கூழாங்கல்லாய்..
காரணமின்றி , சில வேளை..
மர்மமாய் மறைந்தும் போகிறேன்!
மௌனமும் மறைதலுமே என் வாழ்க்கையோ!
ஒரு வட்டத்தில் சிக்கிக்கொண்ட ...
ஒற்றைப் புள்ளி நான் !
ம்ம்ம்.. என்ன செய்ய?
உன் நிழலாய்ப் போய்விட்டேனே !!!!